Paaralang Gradwado, UP Diliman Kolehiyo ng Agham Panlipunan at Pilosopiya, Lungsod Quezon 2003

Layunin ng saliksik na tukuyin ang ilang suliranin sa gramatika ng mga salin mulang Hiligaynon tungong Filipino. Sinuri ang ganap na kawastuan at kalidad ng gramatika ng mga isinaling akda sa pamamagitan ng paglalarawan ng lingguwistikong proseso kabilang ang pinagmulan ng magkatulad na anyo at kahulugan gamit ang word-for-word correspondence. Kaugnay nito, ang lapit ng pag-aaral sa pagsasalin ay hindi lamang para makuha ang direktang salin ng bawat salita kundi naglalayon ding mailarawan ang gramatika ng parehas na pinagmulan at ang target na wika nito. Inilarawan sa saliksik ang mga suliraning gramatikal sa mga proyektong salin mulang Hiligaynon tungong Filipino. Sinuri ang kawastuan at katumpakan kaakibat ang paliwanag at paglalarawan sa porma ng mga deraybasyon sa pagtutumbas sa pamamagitan ng word-for-word correspondence.

Lingguwistika