Pamantasang Normal ng Pilipinas Lungsod Maynila 2000

Nilalayon sa pag-aaral ni Baylon na maisalin sa Filipino ang tatlong kabanata ng aklat ni Amable Tuiblo na pinamagatang “A Critical Discourse in Sociology” bilang batayang aklat sa sa pagtuturo ng sosyolohiya at pilosopiyang panlipunan. Sinimulan ang pag-aaral ni Bayle sa pagtukoy sa mga teorya, simulain, at teknik na angkop gamitin sa pagsasalin; aktuwal na pagsasalin ng tatlong kabanata at pagtataya sa kabisaan ng saling ginawa. Nagsilbing patnubay ng mananaliksik ang teorya nina Newmark (1988) at Santiago (1976). Natukoy sa pag-aaral ni Baylon na isang paraan ng pagpapayaman at intelektuwalisasyon ng Filipino ang pagsasalin ng mga aklat sa mga disiplinang tulad ng sosyolohiya. Napatunayan ring napapanahon at mahalaga ang isinagawang pagsasalin. Sinikap na maging konsistent ng tagasalin sa mga salita at terminolohiya upang maging epektibo sa pagbuo ng tumbasan. Sang-ayon ang nakararaming bilang ng mag-aaral gayundin ang mga guro na isailalim muna sa pagsusuri ang salin upang makapagpanukala ng mga idea sa ikahuhusay pa nito. At sa pagsasalin ng mga aklat na nasa ibang disiplina, kailangan ang sapat na kaalaman sa mga teorya at konsepto ng nabanggit na larang.

Pagsasalin