Paaralang Gradwado Unibersidad ng Pilipinas, Lungsod Quezon 2003

Ginamit sa pag-aaral ng functional na dulog sa Sebwano kung saan ang wika ay tinitingnan na multiproposisyonal kung kayâ ito ay nakabatay sa mga teksto. Kalakip na rin ang mga komunikatibo, kognitibo at sosyo-kultural na gamit nito. Naging pangunahing layunin ng pag-aaral ang magbigay ng deskripsiyon ng mga semantic at correlate sa Sebwano at kung papaano ito masasalamin sa morposintaks at semantics ng wikang ito. Kaugnay na rin dito ang pagtukoy kung ano ang mga transitibo at di-transitibong konstraksiyon. Nagbigay ito ng panimulang batayan sa pagtukoy ng sistema ng pagmamarka ng mga focus na panlapi sa wikang ito. Sa pamamagitan ng paglalapat ng Transitivity Hypothesis nina Hopper at Thompson (1980) at ng sintaktik-semantik primitive ni Dixon (1994) na S. A. at P., ipinaliwanag sa pag-aaral na ito upang masukat kung ano-ano ang lebel ng pagkatransitibo ng bawat konstraksiyon. Natukoy na may dalawang aktor pokus na panlapi ang Sebwano: ang mi/ni-m-replasive at may tatlo namang Goal Focus na panlapi: i-, -un, -an. At ang Pangmadaling Gowl Fokus na konstraksiyon ang pinakatransitibong konstraksiyon sa wikang ito.

Lingguwistika