Pamantasang Ateneo de Manila, Lungsod Quezon, 2008

Sinuri sa pag-aaral ang mga “novelty song” o mga awiting katatawanan ni Yoyoy Villame bilang mahalagang bahagi ng musikang Filipino. Itinuring na problematikong kategorya ang “novelty” lalo’t hindi ito maihahanay sa genre o anyo ng musikang tinukoy ng iskolar na si Ramon Santos gaya ng “Pinoy Ballads,” “Pinoy Rock,” Pinoy Disco,” “Pinoy Folk,” atbp. Inilarawan ang novelty song bilang pagtugon sa panlasa ng nakabababang uri gamit ang masisteng tulang naratibo na inaawit nang may puntong Cebuano sa saliw ng mga simpleng himig na gaya ng awiting bayang komposo ng Visayas.Sa kabuoan, nagpapakita ito ng panimulang sipat at paghahain ng padron sa pag-aaral ng mga “novelty song” at nagpapakilala sa malaking ambag ng nabanggit na mang-aawit sa kulturang Filipino na kumatha ng 137 awit sa 27 album mulang 1972 hanggang 2007.

Panitikan