Pamantasang Normal ng Pilipinas 2001 2001

Pangkalahatang layunin sa pag-aaral ni Dime na makapag-ambag sa pagpapayaman ng panitikang Filipino sa pamamagitan ng paglikom at pagsasalin sa Filipino ng mga kaalamang-bayan ng T’boli sa Lake Sebu, South Cotabato gayundin ang pagtataya sa bisa ng ginawang pagsasalin. Hinango ang nabanggit na mga kaalamang-bayan sa 10 maikling kuwento, 15 bugtong, 10 kasabihan ng mga T’boli. Nagsilbing patnubay ni Dime ng mananaliksik ang mga hakbang sa pagsasalin mula kay Nida (1971), Newmark (1988), at Santiago (1994). Nalamang isang paraan sa pagpapayaman ng panitikan ang paglikom at pagsasalin ng mga katutubong panitikang Filipino. Maaaring magamit na lunsaran sa pagtuturo ang mga awtentikong kaalaman kapag naisalin sa Filipino. Mayaman sa pagpapahalagang moral ang panitikang T’boli na angkop gamitin sa pagtuturo. At isang kawili-wiling gawain ang pagsasalin sa Filipino ng kaalamang-bayan ng mga T’boli at nagsisilbing magandang pundasyon ng pagkakaroon ng kaalaman sa agham ng pagsasalin.

Pagsasalin