Paaralang Gradwado, Pamantasang Ateneo de Manila 2013

Itinampok sa saliksik ni Riddle ang paglihis sa kadalasang sinusunod na batayang pormula sa pagbuo ng mga tauhan at banghay sa pag-akda ng nobela bunsod ng impluwensiya ng mga kuwentong Agos. Ipinaliliwanag ni Riddle kung paano niya tinangkang bumuo ng mga nobela kung saan laging iniipit at ginigipit ng panahon at lunan ang mga tauhan para makatagpo ng ligalig sa nararanasang ligaya, at ligaya sa nararanasang ligalig. Naging sentro din sa nobelang ito ang mga sangkap na tinangka ni Riddle na paglaruan sa kaniyang mga nobeleta, at may pagsisiyasat at paninindigan ang bawat akda sa mga sangkap na ito: pagkanatatangi at kaisahan ng isang tauhan o iniibig, negosasyon ng realidad at pantasya, at kung paanong maitutulak ng mga sangkap na ito ang kuwento tungo sa isang maligayang wakas.

Panitikan