Paaralang Gradwado, Pamantasang Ateneo de Manila 1983

Layunin ng pag-aaral na mailahad ang tendensiya ng panitikang Tagalog na magkaroon ng pangangaral o didaktismo tungong romantisismo, sentimentalismo at ang pagpapatuloy nito hanggang 1922 o ang panahon ng pamamayagpag ng Liwayway na naglalathala ng mga nobelang dugtungan. Tinalakay at ipinaliwanag ang pangkalahatang katangian ng mga nobela ni Jose Esperanza Cruz (naging Pangulo ng Ilaw at Panitik mulang 1924–1931 at Patnugot ng Liwayway mulang 1932–1960). Saklaw ng pag-aaral ang mga nobelang Ang Taong Dimonyo (1932), Dugong Makamandag (1935), Sinong Pumatay (1935), Mga Sugat ng Puso (1936) atbp. Naging sentro sa pag-aaral ang mga sangkap ng didaktisismo at romantisismo na matatagpuan sa mga nobela ni Cruz at kung paano nagsanib ang dalawa sa kaniyang mga akda sa layuning makapaglarawan ng mga pangyayaring bukod sa kagigiliwan ng mambabasa ay makapagtuturo pa sa kanila ng kagandahang-asal at kabutihang-loob.

Panitikan