Unibersidad ng Pilipinas Marso 2004

Layunin ng saliksik na maitanghal ang bisa ng wikang Filipino bilang panturo sa asignaturang Rizal na nakatuon sa pagtuturo ng nasyonalismo at patriyotismo ni Dr. Jose P. Rizal batay sa kaniyang buhay at mga akda na siyang itinatadhana ng Batas Republika 1425 o Batas Rizal. Sinaklaw ng pag-aaral na ito ang walong (8) pamantasang kinabibilangan ng Pamantasang De la Salle, Unibersidad ng Sto. Tomas, Philippine Christian University, Far Eastern University, Unibersidad ng Pilipinas-Maynila, Pamantasang Normal ng Pilipinas, Pamantasan ng Lungsod Maynila, at Politeknikong Unibersidad ng Pilipinas. Ibinatay ang pag-aaral sa mga naunang saliksik ukol sa paksa nina Dr. Romeo Cruz, Pamela Constantino, Jan Blommaert, Ernest Gellner, Zeus Salazar, Silvino Epistola, Armando Bonifacio, at Jesus Fer Ramos.

Edukasyon