Southern Luzon State University–Lucban, Quezon Mayo 2017

Layunin ng pag-aaral na makapag-ambag sa dokumentasyon ng wika at kulturang Agtang naninirahan sa Alabat at Lucban, Quezon. Inilahad ang kasaysayan ng mga Agta, migrasyon ng pangkat, at ang mahigpit na pangangailangang mapreserba ang kanilang wika at kultura. Sinikap na makapangalap ng datos sa pakikipamuhay o imersiyon at pakikipanayam sa komunidad.Pinili ang mga kalahok sa pamamagitan ng purposive sampling. Natukoy ang mga Agta ay nagkahiwa-hiwalay bilang pangkat dahil sa paghahanapbúhay, paghahangad ng edukasyon para sa kanilang mga anak, at ang pag-aasawa o intercultural marriages. Nakabuo ng diksiyonaryo na naglalaman ng 677 salita na nahahati sa 17 katawagan ukol sa bagay, 36 para sa mga bahagi ng katawan, 25 na bahagi ng pananalita, 9 ukol sa pagbilang, 16 na ngalan ng hayop, 38 termino ukol sa tao, 17 pantukoy sa lugar, 24 para sa pagkain, 14 na pananda sa oras o panahon, 73 kalahatang katawagan, 4 reperensiya sa mga pangyayari, 11 na uri ng sakit, 260 pantukoy sa kilos o galaw, at 120 pang-uri o salitang panlarawan.

Lingguwistika