Paaralang Gradwado, Unibersidad ng Pilipinas, Diliman, Lungsod Quezon 2000

Layunin ng saliksik ay maipakita si Rosario de Guzman Lingat bilang manunulat at maitanghal ang representasyon ng kababaihan sa kaniyang mga akda. Napili sa pag-aaral ang nabanggit na manunulat dahil sa pagkilala dito ng batikang manunulat at kritiko na si Soledad Reyes na nagsabing makikita sa mga akda nito ang temang labas sa daigdig ng pamilya at may dimensiyong panlipunan, isang preokupasyong bihirang matagpuan sa babaeng manunulat. Tampok dito ang dalawampung (20) mula sa 78 kuwentong naisulat ni Lingat sa Liwayway mulang 1970-1980 na nagtatampok sa babae bilang bida; inilarawan ang babae sa iba-ibang pagsubok na kaniyang napagtagumpayan, at naglalarawan ng positibong katangian ng pagkababae. Sinuri ang napiling mga kuwento sa lente ng feministang Filipino gaya nina Albina Fernandez, Lilia Q. Santiago, Sr. Mary Mananzan, Shirley at Edwin Ardener, Elaine Showalter, Andrea Dworkin, Ruth Robins, at Judith Fetterley. Sa kabuoan, ipinakita sa saliksik na si Lingat ay bumuo ng tauhang babae sa kaniyang mga kuwento na may tinig, may sariling pag-iisip, matatag, produktibo, progresibo, at may kapangyarihan (empowered) na miyembro ng lipunan.

Panitikan