Unibersidad ng Pilipinas, Diliman, Lungsod Quezon Marso 2004

Layuning matukoy ang nomenklatura na nauukol sa kalipunan ng kaalaman at kasanayan partikular sa mga kursong Filipino sa komunikasyon ng kurikulum ng masaklaw na edukasyon. Isinaalang-alang din ang rehistro ng mga leksikal na korpus ng Filipino mula sa mga sangguniang aklat at babasahin sa kolehiyo. Sinuri ang morpolohikal na estruktura at semantiks ng mga terminolohiya, at nomenklatura ng mahahalagang salita sa kursong komunikasyon upang makabuo ng nilalayong diksiyonaryo. Ang nabuong diksiyonaryo ay maaaring magsilbing tuntungan ng Revitalized General Education Program ng mga unibersidad at kolehiyo sa bansa. Pinatunayang ang akademik na Filipino ang angkop na midyum ng pagtuturo sa masaklaw na edukasyon (general education) sa Lalong Mataas na Edukasyon. Ito rin ang Filipino na dapat maging batayang estruktura ng anumang barayti o rehistro ng Filipino sa antas tersiyarya.

Lingguwistika