Bulacan State University Mayo 2005

Pangunahing layunin ng pag-aaral ni Faundo ay ang pagtukoy sa mga kagamitang pampagtuturo ng mga guro sa pagtuturo ng Filipino sa ikalimang baitang sa pampublikong paaralan batay sa BEC. Tinutugunan ang programa ng edukasyon na Filipino ang siyang wikang panturo sa mga asignaturang may kinalaman sa pagkakaunawa sa sarili para sa mas maging malawak ang pagkatuto ng mga mag-aaral sa paggamit ng wika sa kanilang mga aralin. Batay sa 2002 Basic Education Curriculum (BEC) Reform, isinagawa ang apat na makrong pangkasanayan, ang pakikinig, pagsasalita, pagbasa at pagsulat at dinagdagan pa isang kasanayan at ito ay ang kritikal na pag-iisip. Natuklasan sa pag-aaral ni Faundo, na may kakulangan sa kagamitang pampagtuturo ang ilang mga gurong nagtuturo sa Filipino, kaya nagkaroon ng mungkahing sanayang aklat upang umangkop sa kawilihan, kakayahan at interes ng mga mag-aaral na gagamit nito. Iminungkahi ni Faundo sa kaniyang pag-aaral ang pagpapagamit ng binuong mungkahing sanayang aklat sa mga mag-aaral upang matuklasan ang kabisaan nito. Patuluyang pagpapanayam sa mga paksang-araling naayon sa mabilis na pagbabago at kalidad ng edukasyon sa pagtuturo. Bumuo ng lupon na babalangkas ng isang kagamitang pampagtuturo ayon sa pangangailangan ng mga mag-aaral at guro. Maaaring magpalimbag ng mungkahing sanayang aklat at ipagamit sa mga nakararaming mag-aaral na di lamang sa pampubliko kundi pati na rin sa mga paaralang pribado na sumusunod sa Patakarang BEC 2002. At ang pagsasagawa ng katulad na pag-aaral tungkol sa mga karagdagang kagamitang pampagtuturo sa iba pang antas sa elementarya.

Edukasyon