Pamantasang Normal ng Pilipinas, Maynila 2003

Pangunahing layunin ng saliksik na magtipon ng mga karaniwang katawagang ginagamit sa pagsasaka na malimit mabasa sa mga aklat, brochures, magasin, at polyeto na ginagamit ng pamahalaan sa mga proyektong pang-agrikultura sa Lalawigang Agusan del Sur. Binigyang ng katumbas na kahulugan sa Filipino ang mga nakalap na termino kalakip ang kaukulang depinisyon o katuturan. Ginamitan din ito ng deskriptibong sarbey at pakikipanayam upang mapalawak ang koleksiyon ng datos mula sa tatlong grupo ng respondente na kinabibilangan ng mga dalubhasa sa pagsasaka, mga tagasalin, at tagarepaso. Sa kabuoan, naglalaman ng 270 katawagan ang nabuong glosaryo mulang Filipino tungong Manobo. Inirekomendang gawing sanggunian itong saliksik sa pagtuturo ng mga aralin sa agrikultura. Inaasahang magsisilbing panimulang hakbang ito tungo sa malawakang paglikom ng kaalamang kultural ng iba’t ibang pangkat etniko sa bansa.

Lingguwistika