Bulacan State University Mayo 2008

Layunin ng pag-aaral na alamin ang kabisaan ng mungkahing sanayang aklat sa wika sa pagtuturo ng Filipino sa unang taon ng Paaralan ng Don Bosco. Ginamit ang “Pamamaraang Timbangang Likert” sa nilalaman ng paksang aralin, panlipunan, at pagkakaugnay ng wika sa aralin at pagsasanay. Binalangkas ang mungkahing sanayang aklat sa wika sa pananaliksik sa mga panitikan at kaugnay na pag-aaral sa paghahanda ng mga kagamitang pampagtuturo tulad ng sumusunod: (1) Disenyong Pabalat ng Sanayang Aklat, (2) Paunang Salita, (3) Pagkilala, (4) Panalangin, (5) Gabay sa Paggamit ng Sanayang Aklat, (6) Mga Hakbangin na Dapat Sundin ng Guro sa Paggamit ng Sanayang Aklat, (7) Mga Tagubilin sa Mag-aaral, (8) Mga Kahalagahang Pangkatauhan, (9) Adhikain ng Kagawaran ng Filipino, (10) Adhikain ng Asignaturang Filipino, (11) inaasahang bunga sa Unang Taon, (12) Mga Layunin, (13) Mga Aralin sa Kasanayang Pangwika, (15) Lagom-Tula, at (16)Talasanggunian. Lumitaw sa pag-aaral na mabisang magagamit ang mungkahing sanayang aklat sa wika para sa mag-aaral ng Unang taon ng Don Bosco Academy. Isinaalang-alng din ang pagdadagdag ng makulay na larawan, ang paggamit ng mga larawang katutubo na hindi galing sa internet, gamit ang baybay ng ilang salita at balidasyon ng sanayang aklat sa wika ng DepEd iba pang lupon ng Tagasuri ng Aklat.Naging makabuluhan ang resulta ng pag-aaral sapagkat natuklasan ang kabisaan ng mungkahing sanayang aklat sa wika sa paglinang sa kasanayan sa pagsasalita at pagsulat ng estudyante bilang isang indibidwal. Mungkahing ipagamit ang sanayang aklat sa wika bilang batayang aklat sa paaralang Don Bosco Academy at himukin ang mga guro at manunulat na maghanda ng sanayang aklat para sa iba’t ibang asignatura. Magsagawa pa ng balidasyon sa nasabing manwal ang DepEd at iba pang lupon ng mga Tagasuri ng Aklat.

Edukasyon